បន្ទាប់ពីតស៊ូនឹ ងបរាជ័យ អស់រយៈពេលជិត ២ឆ្នាំកន្លងមកនេះ Windows Phone របស់ ក្រុមហ៊ុន Microsoft ចុងក្រោយនឹង កំពុងតែចាប់ ផ្តើមក្រោកឡើងវិញហើយ នៅប្រទេសហ្វង់ឡង់។ ការតស៊ូយ៉ាងខ្លាំង របស់ក្រុមហ៊ុន Nokia នៅក្នុងទីផ្សារប្រទេស ហ្វង់ឡង់នេះ បានជួយ ស្មាតហ្វូន Lumia របស់ខ្លួនអាចលក់បាន ចំនួនស្មើគ្នាជាមួយ ស្មាតហ្វូនAndroid និង លក់បានច្រើនជាង iPhone ទ្វេដងកាលពីខែមិថុនា កន្លងទៅនេះ តាមរយៈការដាក់នៅក្នុងហាង លក់រាយធំមួយប្រចាំ ប្រទេសហ្វង់ឡង់គឺ Elisa។
យោងតាមសារព័ត៌មាន WMPowerUser ដែលចុះផ្សាយពីរបាយការណ៍ ថ្មីៗ របស់ ហាង លក់រាយមួយនេះបាន ឲ្យដឹងពីលទ្ឋផលនៃ ការលក់នៅក្នុង ខែមិថុនាឆ្នាំ ២០១២នេះ ដែល បង្ហាញថាទូរស័ព្ទ ស្មាតហ្វូនចំនួន ៤ប្រភេទក្នុងចំណោម ស្មាតហ្វូនល្បីៗចំនួន ១០ប្រភេទដែលលក់ដាច់ ជាងគេកាលពីខែមុននេះ គឺមានទូរស័ព្ទ Nokia Lumia ដែលដំណើរ ការដោយប្រព័ន្ធ Windows Phone។
ប្រភព៖ Lookingtoday
