នៅ
មុនដំណាច់ឆ្នាំ២០១២នេះ នាងសោម ម៉ាល័ក្ខ នឹងត្រូវស្វាមីគឹលោកទូច
ភួងវិរៈ ធានាយកទៅរស់នៅសហរដ្ឋអាមេរិកជាអចិន្ត្រៃយ៍
ដើម្បីឲ្យនាងទៅមើលខុសត្រូវហាងនំដូណាត់ មួយកន្លែង
ដែលលោកបានបើកដំណើរការ ពីរបីឆ្នាំមកហើយ តាំងពីមុនរៀបការ។
នាងនិយាយថា ដំណើរចេញទៅរស់នៅ អាមេរិករបស់នាង
នឹងក្លាយជាទីបញ្ចប់ផ្នែក សម្ដែងជារៀងរហូត
ហើយបើទោះជានាងត្រូវទទួលការ ស្រឡាញ់រាប់អានពីអ្នក រស់នៅអាមេរិក
ដើម្បីឲ្យនាងអាចទទួល យកការងារច្រៀងរាំតាមរដ្ឋ
ដូចតារាខ្មែរនៅ អាមេរិកមួយចំនួន
ក៏នាងមិនអាចទទួលយក ការងារទាំងនោះបានដែរ
ដោយសារតែនាងរវល់ទី១គឺរៀន អង់គ្លេសបន្ថែម
និងទីពីរគ្រប់គ្រងហាងរបស់ស្វាមី។ តារាវ័យ២២ឆ្នាំរូបនេះ
និយាយថា «ប្រហែលខែ៨ ឬខែ៩ ខ្ញុំនឹងទៅអាមេរិក អ៊ីចឹងហើយ
ទើបខ្ញុំប្រកាសមិនទទួល យកសម្ដែងតែម្ដង
ដើម្បីទុកឱកាសឲ្យ ក្មេងជំនាន់ក្រោយ
ឲ្យពួកគាត់មានលទ្ធភាព ចូលប្រឡូកក្នុង ភាពយន្តនេះខ្លះ!»។
រយៈពេលចុងក្រោយនេះ មានភាពយន្តពីរបី បានទាក់ទងឲ្យនាងចេញសម្ដែង
ក្នុងបំណងឲ្យនាងបន្សល់ទុកស្នាដៃឲ្យបានពីរបីរឿង
មុនពេលចាកចេញពីស្រុកខ្មែរ
ប៉ុន្តែមកពីនាងគិតថាខ្លួនជិតដល់ថ្ងៃចេញទៅអាមេរិកហើយ
ម្យ៉ាងមានប្ដីសីផង ទើបមិនទទួលយក ការសម្ដែងនេះ។ នាងនិយាយថា
«ពេលខ្លះខ្ញុំចង់សម្ដែង ពីរបីរឿងសិនមុន នឹងទៅអាមេរិកដែរ
ប៉ុន្តែ គិតសព្វៗទៅកុំអី ចំណែកស្វាមីខ្ញុំ
គាត់មានតែសប្បាយចិត្ត
បើខ្ញុំទទួលយកការសម្ដែង មុនពេលឡើងយន្តហោះ!»។
ទោះ យ៉ាងណា សោម ម៉ាល័ក្ខ នៅមិនទាន់បាត់មុខ ពីក្រសែភ្នែករបស់ មហាជននោះឡើយ ដោយសារតែពេលនេះ នាងកំពុងលេចមុខក្នុងតំណែង ជាតួសំខាន់ម្នាក់ក្នុងរឿង«សពរន្ទះ បាញ់» ដែលកំពុងចាក់បញ្ចាំង នៅរោងភាពយន្តលុច្ស និងត្រៀមចេញ មុខក្នុងរឿង«នាយឡប់ជំពប់ស្នេហ៍» ដែលជាខ្សែរឿង របស់អ្នកស្រីពាន់ ភួងបុប្ផា គ្រោងចាក់បញ្ចាំង នៅថ្ងៃទី១២ ខែមិថុនា ខាងមុខ។ នាងនិយាយថា ក្រៅពីខ្សែរឿងដុំទាំងពីរ នាងក៏មានភាពយន្តភាគពីរទៀត ដែលបានថតចប់យូរមកហើយ តែមិនទាន់បាក់ចាក់ផ្សាយ នោះផងដែរ។ ខ្សែរឿងទាំងពីរនោះ រួមមាន រឿង«កែវភ្នែក» របស់ស្ថានីយ ទូរទស្សន៍ជាតិ និងរឿង«បេះដូងអ្នកការពារ» របស់ស្ថានីយទូរទស្សន៍ CTN។ សោម ម៉ាល័ក្ខ ព្រលយថា ហេតុផលតែមួយគត់ ដែលនាងលាឈប់ ពីសិល្បៈ ដោយសូម្បីតែ មិនទាន់ដល់ពេលចេញទៅ អាមេរិកនេះ គឺដើម្បីកុំឲ្យគេសើច ថានាងនៅតែចង់បានប្រាក់ ព្រោះស្រឡាញ់សិល្បៈ។ ដោយឡែករឿង «នាយឡប់ជំពប់ស្នេហ៍» នាងអះអាងថា បើកុំតែជារឿងរបស់ម្ដាយក្មេកខ្លួនឯង កុំអីនាងមិនសម្ដែងឡើយ ក្រោយពេលរៀបការនោះ។
សោម ម៉ាល័ក្ខ បានរៀបការជាមួយ កូនប្រុសអ្នកស្រីពាន់ ភួងបុប្ផា កាលពីថ្ងៃទី៥ ខែធ្នូ ឆ្នាំ២០១១ បន្ទាប់ពី ល្បីល្បាញក្នុងរឿង «ភ័ព្វសំណាង» ដែលជាខ្សែរឿងភាគ របស់CTN។ នាងអះអាងថា មិនស្ដាយការ លាឈប់នោះទេ ហើយអ្វី ដែលនាង សប្បាយចិត្តបំផុត គឺបានទទួលតំណែង ជាថៅកែហាងដូណាត់ របស់ស្វាមី ដែលកំពុង បើកដំណើរការ នៅរដ្ឋកាលីហ្វកញ៉ា ក្រោយពេលនាងឡើងទៅដល់ទឹកដីអាមេរិក ក្នុងពេលដ៏ខ្លី៕
