«ចំនួនស្លាប់មាន៦០ករណីហើយ។ ហើយពួកគេសុទ្ធ តែជាកុមារតូច» នេះគឺជាការបញ្ជាក់របស់លោក នីម៉ា អាសហ្ការី Nima Asgari ដែលជាវេជ្ជបណ្ឌិតជំនាញ សុខភាពសាធារណៈនៃអង្គការ សុខភាពពិភពលោក WHO ប្រាប់ទីភ្នាក់ងារ ព័ត៌មានបារាំងAFP។ វេជ្ជបណ្ឌិតរូបនេះ ប្រាប់អោយដឹងថា ករណីដំបូងបានកើតឡើង នៅក្នុងខែមេសា ហើយថារហូតដល់ពេលនេះ មេរោគដែលធ្វើអោយកុមារស្លាប់នៅមិនទាន់គេស្គាល់នៅឡើយទេ។
AFPបានសរសេរថា នៅពេលនេះអង្គការ សុខភាពពិភពលោក កំពុងតែធ្វើការ ជាមួយក្រសួងសុខាភិបាល ដើម្បីឈានទៅ កំណត់មូលហេតុ ដែលធ្វើអោយ កុមារស្លាប់ និងមូលហេតុនៃការរីករាលដាល នៃមេរោគនេះ។
ប៉ុន្តែការអង្កេតរកប្រភេទ មេរោគនេះស្ថិតនៅ ចំនុចចាប់ផ្តើមនៅឡើយ ហើយថាវាក៏មានការលំបាក ក្នុងការកំណត់អាការៈ នៃអ្នកជំងឺផងដែរ ដូចជាកម្តៅឡើងខ្លាំង ឈឺទ្រូងខ្លាំង និងសញ្ញានៃការទាក់ទងនឹង ប្រព័ន្ធប្រសាទផងដែរ។
រហូតដល់ពេលនេះ មានករណីជំងឺនេះ ៦១ករណីហើយ គឺមានតែកុមារម្នាក់ប៉ុណ្ណោះដែលអាចនៅមានជីវិត។ ពួកគេមានអាយុ៧ឆ្នាំ និងក្រោមនេះ។ WHO បាននិយាយប្រាប់AFP រហូតដល់ពេលនេះ មិនទាន់មានសញ្ញា នៃការឆ្លងរាលដាលដល់អ្នក ដែលមានទំនាក់ទំនងផ្ទាល់ ជាមួយអ្នកជំងឺនោះឡើយ៕
ប្រភព៖ ថ្មីៗ
