នាង Vanessa “Na-Chatra” Muangkod បានគ្រងមកុដ បវរកញ្ញា ថៃ Miss Thailand World 2012 ដែលប្រារព្ធ នៅក្នុងសណ្ឋាគារ Central World ទីក្រុង បាងកក កាលពីថ្ងៃទី ២៤ ខែ មីនា ឆ្នាំ ២០១២។
Vanessa “Na-Chatra” Muangkod គឺជា និស្សិត នៅ សាកល វិទ្យាល័យ Ramkhamhaeng រៀនមុខវិជ្ជា វិទ្យាសាស្ត្រ មនុស្សសាស្ត្រ។ Vanessa ជាតារា ម៉ូដែល កូនកាត់អាល្លឺម៉ង់-ថៃ ដែលធំធាត់ ឡើងនៅខេត្ត ភូកេត ប្រទេសថៃ។ នាងមានអាយុ ២០ ឆ្នាំ និង មានកម្ពស់ ១៧៤ សង់ទីម៉ែត្រ។ Vanessa គឺជាបវរកញ្ញា តំណាងឲ្យ ប្រទេសថៃ ក្នុងការចូលរួម ប្រកួតកម្មវិធី ប្រឡងបវរកញ្ញាពិភពលោក ឆ្នាំ ២០១២ (Miss World 2012) ដែលនឹងប្រារព្ធ នៅក្នុងប្រទេសចិន នៅថ្ងៃទី ១៨ ខែសីហា។ក្រៅពី ជាប់ជា បវរកញ្ញាឯក តំណាងឲ្យ ប្រទេសថៃ នាង Vanessa “Na-Chatra” Muangkod ក៏បានឈ្នះតំណែង Miss Beauty With a Purpose, Miss Top Model និង Best in Swimsuit ផងដែរ។ កម្មវិធីប្រកួតនេះរៀបចំ ឡើងដោយ ទូរទស្សន៍ប៉ុស្តិ៍លេខ៣ របស់ថៃ និង ផលិតកម្ម BEC Tero Entertainment៕
_________________________________________
បញ្ជូនព័ត៌មាននេះទៅបណ្តាញទំនាក់ទំនងរបស់អ្នក :
